“ქართული ოცნება“ პოლიტიკურ პარტიებს შორის კვლავაც ყველაზე მდიდარ პარტიად რჩება. საერთო შემოსავლებიდან, რომელიც 19 პარტიამ მიღო 2019 წელს, თითიქმის ნახევარი მმართველ პარტიაზე მოდის.

ამის შესახებ "საერთაშორისო გამჭვირვალობა - საქართველოს" მიერ გავრცელებულ ანგარიშშია ნათქვამი.

შემომწირველების თვალსაზრისით, 2019 წელს 19 პარტიიდან 13-მა მთლიანობაში 8 362 581 ლარის ოდენობის შემოწირულება მიიღო 450 ფიზიკური და 26 იურიდიული პირისგან. შემოწირულებების 84% - 7 036 166 ლარი მმართველ პარტიაზე მოდიოდა. „ქართულმა ოცნებამ” 14-ჯერ მეტი თანხა მიიღო, ვიდრე კერძო დაფინანსებით მეორე ადგილზე მყოფმა „ლელომ” და 5-ჯერ მეტი, ვიდრე დანარჩენმა 18-მა პარტიამ;

ორგანიზაციის ანგარიშში ნათქვამია, რომ 2019 წელს იმ 19 პოლიტიკურ პარტიას შორის, რომელთაც 100 000 ლარზე მეტი შემოსავალი ან ხარჯი უფიქსირდებოდა, მმართველი „ქართული ოცნება” კვლავაც ყველაზე მდიდარ პარტიას წარმოადგენდა და თითქმის 10 მილიონიანი დაფინანსებით უკონკურენტო უპირატესობით სარგებლობდა.

2019 წელს 19-მა პარტიამ 20 739 364 ლარის შემოსავალი მიიღო. აქედან თითქმის ნახევარი - 9 502 653 ლარი - მმართველ პარტია „ქართული ოცნებაზე” მოდიოდა. ყველაზე მაღალშემოსავლიან პარტიათა სამეულში ასევე შედიან:

1 676 618 ლარით - „საქართველოს პატრიოტთა ალიანსი”

1 643 099 ლარით - „ევროპული საქართველო”

“საერთაშორისო გამჭვირვალობის“ ანგარიშის სანახავად გადადით ბმულზე