პუტინის ბიძაშვილის შვილის პოლიტიკური პარტია ელექტროგამანაწილებელ ტრანსფორმატორშია რეგისტრირებული

მსოფლიო - 14:44, 23 Jul, 2020

1380

რუსეთში 2014 წელს დარეგისტრირდა პოლიტიკური პარტია "ხალხი კორუფციის წინააღმდეგ". რუსეთში ამ ორგანიზაციის შესახებ არავინ ფლობდა ინფორმაციას, თუმცა, რამდენიმე დღის წინ ის რუსული მედიის ყურადღების ცემტრში მოექცა - 2020 წლის 6 ივლისს აღნიშნული პარტიის თავმჯდომარედ ვლადმერ პუტინის ბიძაშვილის შვილი, ФСБ-ს ყოფილი თანამშრომელი, ბიზნესმენი რომან პუტინი აირჩიეს, რომელიც პარტიაში 21 ივნისს გაწევრიანდა.

ყრილობის შემდეგ პარტიის წარმომადგენლებმა განაცხადეს, რომ შემოდგომაზე რუსეთის დუმის შუალედურ და რეგიონალურ არჩევნებში, ხოლო 2021-ში დუმის მორიგ არჩევნებში მიიღებენ მონაწილეობას. ორგანიზაციაში აცხადებენ, რომ მსურველებს შეუძლიათ პარტიაში გაწევრიანების შესახებ განცხადებები პარტიის ოფისებში მიიტანონ.

მედიასაშუალება "Собеседник"-ის ჟურნალისტები ეცადნენ პარტიის ცენტრალურ ოფისში მისვლას და მის წარმომადგენლებთან გასსაუბრებას, თუმცა მათ დიდი მოულოდნელობა ელოდათ წინ.

"ხალხი კორუფციის წინააღმდეგ" ოფიციალურ მისამართზე - მოსკოვი, ლენინგრადის გზატკეცილი კორპუსი 8, შენობა N3 მისვლისას მათ დახვდათ საშუალოზე დაბალი აგურის შენობა, ყრუ რკინის კარებით, რომლიდანაც გამომავალი ელექტროკაბელები მეზობლად მდგარ სახლებთან იყო მიერთებული.

"Собеседник"-მა პარტიის წარმომადგენლებისგან ოფიციალურ მისამართთან დაკავშირებით ინფორმაცია ვერ მიიღო.