"უთხრა, შენ თუ არ დაანებებ თავს მამაშენის სიკვდილის გამოძიებას სიკვდილით დაისჯები" - რა კავშირი აქვს ხელისუფლებას ცოტნე გამსახურდიას დაჭრასთან

პოლიტიკა - 23:40, 21 Jul, 2020

3403

ქვეყნის პირველი პრეზიდენტის ზვიად გამსახურდიას მეუღლე და ცოტნე გამსახურდიას დედა, მანანა არჩვაძე შვილზე განხორციელებულ თავდასხმაში, რომლის დროსაც ცოტნე მძიმედ დაშავდა, ხელისუფლებას ადანაშაულებს.
არჩვაძე ცოტნეს მიერ გიორგი გახარიას გაკრიტიკებას იხსნებებს და პრემიერის "საშინელ" რეაქციაზე საუბრობს.
"ეს გახლავთ დეკემბერი, როდესაც გიორგი გახარია გააკრიტიკა მან და გიორგი გახარიას ეს მოხვდა ძალიან მძიმედ და იმდენად საშინელი რეაქცია ჰქონდა, რომ მეც შევატყვე, გამომეტყველებაც ამაზე მიუთითებდა, რომ ჩვენი საქმე არ წავიდოდა კარგად. ცოტა არ იყოს ვიფიქრე, ცოტნეს რამე არ მოწიონ ამათ" - აცხადებს მანანა არჩვაძე

მანანა არჩვაძე აცხადებს, რომ ცოტნე გამსახურდიასთან ხელისუფლების დავალებით ერთი პიროვნება მივიდა, რომელიც ეუბნებოდა, რომ თუ არ გაჩერდებოდა მოკლავდნენ.
"ნოემბრის თვეში ჩამოდის მოსკოვიდან, ვინმე კრიმინალური მენტალიტეტის წარმომადგენელი, მან უთხრა, რომ მინდა შეხვედრა შენთან, შეხვდა და უთხრა, რომ შენ თუ არ დაანებენ თავს მამაშენის სიკვდილის გამოძიების საკითხს, მაშინ შენ სიკვდილით დაისჯები" - აცხადებს მანანა არჩვაძე.