ნიკა მალია: "კობიაშვილი თავის დამარცხებას, თავად შეუწყობს ხელს, რადგან მან კარგად გააცნო თავი გლდანელ ამომრჩევლებს“

პოლიტიკა - 14:21, 21 Jul, 2020

2375

„კობიაშვილი თავის დამარცხებას, თავად შეუწყობს ხელს, რადგან 2016 წლიდან დღემდე მან კარგად გააცნო თავი გლდანელ ამომრჩევლებს“ - ასე აფასებს „ერთიანი ნაციონალური მოძრაობის“ მაჟორიტარობის კანდიდატი ნიკა მელია მმართველი პარტიის მიერ აღნიშნულ ოლქში დაყენებულ კანდიდატს.

მისივე თქმით, ზოგადად, „ქართული ოცნების“ მიერ წარმოდგენილ კანდიდატებს, პოლიტიკა და ხალხის ბედი არ აინტერესებთ.

„არ მინდა საკუთარ თავზე ვისაუბრო არა იმიტომ, რომ სათქმელი არ მაქვს, არამედ იმიტომ, რომ ვფიქრობ კორექტული არ იქნება. კამპანიის მსვლელობისას მე ყურადღებას გავამახვილებ გლდანელებზე და ამის შემდეგ გადაწყვეტს მოსახლეობა მხარი ვის დაუჭირონ. კანიდადტს, რომელიც გააკეთებს პოლიტიკას გლდანელებისთვის, თუ კანდიდატს, რომელიც 2016 წელს აირჩიეს გლდანის ერთ ნაწილში მაჟორიტარ დეპუტატად და მას შემდეგ უბრალოდ არ გამოჩენილა, არ დაკავებულა გლდანელების პრობლემების მოგვარებით. ესაა სიმართლე. არაპროფესიონალი პოლიტიკოსების, ფეხბურთელების, ბუცებისა და თამაშის დროს უნდა დასრულდეს და დასრულდება. ამაში ეჭვი არ მეპარება, რადგან ამას თვითონ შეუწყობს კობიაშვილი ხელს.

ზოგადად, ვფიქრობ, კანდიდატები რომლებიც ოცნებამ წარმოადგინა, მათ პოლიტიკა და ადმაიანების ბედი არ აინტერესებთ“-ამბობს მემლია.