პოლიტიკური პარტია „რეფორმერის“ ლიდერები რეგიონებში მხარდამჭერ ახალგაზრდებს შეხვდნენ. რეგიონალური ტურნე მოიცავს შეხვედრებს ქუთაისში, ბათუმში, ოზურგეთში, ფოთში. მხარდამჭერებთან შეხვედრები, როგორც რეფორმერის საარჩევნო კამპანია, განსხვავებული ფორმატით მიმდინარეობდა - შეხვედრების დროს ახალგაზრდებმა გაიარეს ტრენინგი პოლიტიკურ პროცესებში მათ ჩართულობასთან დაკავშირებით, ასევე ქვეყნის მოწყობისა და განვითარების ხედვებზე. ტრენინგები პარტიის მხარდამჭერებთან "რეფორმერის“ ლიდერებმა ჩაატარეს..

„რეფორმერი“ ტრენინგში მონაწილე ახალგაზრდებთან ერთად ატარებს კვლვებს საზოგადოების პრობლემებთან დაკავშირებით. კვლევის მიზანია, რეგიონებში არსებული გარემოს შეფასება, მოსახლეობის პრობლემების იდენტიფიცირება და მათი დამოკიდებულება პოლიტიკაში ახალი სახეების ჩართვის აუცილებლობასთან დაკავშირებით.

პოლიტიკური პარტია „ რეფორმერის: თავმჯდომარე თორნიკე ჯანაშვილი - ეს არის კომუნიკაცია ჩვენს მხარდამჭერ ახალგაზრდებთან, ვისთვისაც მნიშვნელოვანია ჩვენი ქვეყნის განვითარება და მომავალი, ვისაც მიაჩნია, რომ ქვეყანაში ცვლილებების დროა. ჩვენ ვხსნით ბარიერებს, ჩვენი მიზანია, რაც შეიძლება მეტი შრომისმოყვარე, მოტივირებული, პატრიოტი, პროფესიონალი და მიზანდასახული ახალგაზრდა ჩაერთოს ქვეყნის შენების პროცესში.