უკავშირდებოდა თუ არა „ქართული ოცნების“ ღონისძიებაზე ყოფნა ამირან გამყრელიძის პოლიტიკურ სიმპატიებს ? - დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორი ადასტურებს, რომ "ქართული ოცნების" მხარდამჭერია.

"მე პოლიტიკურ სიმპატიებზე არ ვისაუბრებ, აპოლიტიკური პიროვნება ვარ და წარმოვადგენ სახელმიწფო დაწესებულებას; დღეს მიწვეული ვიყავი როგორც ერთ-ერთი დამსწრე და მხარდამჭერი"- ამბობს გამყრელიძე.

კითხვაზე: დაესწრებოდა თუ არა მსგავსი ტიპის ღონისძიებას ოპოზიციისგან დაპატიჟების შემთხვევაში? - გამყრელიძემ უპასუხა - ,,გააჩნია ვინ დამპატიჟებს და როგორ“.

,,დღეს წარმოვადგენ სახელწიფოს, ერთ-ერთ ყველაზე ძლიერ სახელმწიფო ინსტიტუციას - დაავადებათა კონტროლის ეროვნულ ცენტრს, რომელმაც სერიოზული როლი ითამაშა Covid 19-თან ბრძოლაში და ამ ინფექციის შეკავებაში ჩვენს ქვეყანაში, ამიტომ მე იქ მიწვეული ვიყავი, როგორც ამ დაწესებულების ხელმძღვანელი,“ - აღნიშნა ამირან გამყრელიძემ.