მადლობა ჩემს ხალხს, რომელიც ენდო ხელისუფლებას და მის გარშემო გაერთიანდა

მადლობა ჩემს ხალხს, რომელიც ენდო ხელისუფლებას და მის გარშემო გაერთიანდა - ივანიშვილი გამარჯვებაში დარწმუნებულია

პოლიტიკა - 11:20, 20 Jul, 2020

1681

"ქართული ოცნების" თავმჯდომარე, ბიძინა ივანიშვილი დარწმეუნებულია, რომ "გუნდი, რომელიც დღეს ხელისუფლებაშია, კვლავაც შემძლეა იტვირთოს და ასწიოს ქვეყნის მართვის პასუხისმგებლობა".

როგორც ივანიშვილმა პარტიის მაჟორიტარობის კანდიდატების წარდგენისას განაცხადა, მმართველმა ძალამ "ქვეყანა წინ წაწია".
"მინდა, დავიწყო მადლობით.

მადლობა ჩვენს ეპიდემიოლოგებს და ექიმებს, მადლობა ქართული ოცნების გუნდს, რომელმაც თავდაუზოგავად იმუშავა და ქვეყანა დიდ განსაცდელს აარიდა, განსაკუთრებული მადლობა ჩემს ხალხს, რომელმაც მაღალი საზოგადოებრივი კულტურა აჩვენა, ენდო ხელისუფლებას და მის გარშემო გაერთიანდა.

ყველამ ერთად შევიტანეთ წვლილი იმაში, რომ დღეს საქართველოს მწვანე ზონად მოიხსენიებენ. ამ კრიზისმა დაანახა ყველას, რომ ქვეყნის მართვის სადავეები სანდო ხელშია და ქართუყლი ოცნების ხელისუფლრბა არის ქვეყანაში სიმშვიდიდ და სტაბილურობის გარანტი, რაციონალყრი და პრაგმატული პოლიტიკის გამტარებული.

მინდა, დარწმუნებით ვთქვა, გუნდი, რომელიც დღეს ხელისუფლებაშია, კვლავაც შემძლეა, იტვირთოს და ასწიოს ქვეყნის მართვის პასუხისმგებლობა.

ხელისუფლებაში ყოფნის განმავლობაში ჩვენმა გუნდმა წინ წაიყვანა ქვეყანა ბევრი მიმართულებით, პროგრესი თვალსაჩინოა პრაქტიკულად ყველა სფეროში, რა თქმა უნდა, არავინაა ილუზიის ტყვეობაში, რომ ყველაფერი დალაგდა და პრობლემები აღარ არსებობს, ბევრია გასაკეთებელი იმისთვის, ქვეყანამ შეუქცევადად გააგრძელოს განვითარება"- თქვა ივანიშვილმა.