ამბროლაურში დაპირისპირების საქმეზე ყოფილ გუბერნატორსა და "ნაციონალური მოძრაობის" პოლიტსაბჭოს წევრს, ოთარ სირაძეს და მის ძმას, დავით სირაძეს ამბროლაურის სასამართლომ აღკვეთის ღონისძიების სახით 5000-5000 ლარიანი გირაო შეეფარდათ.

დაცვის მხარე დღევანდელ პროცესზე 1000-1000 ლარიან გირაოს ითხოვდა. სასამართლო ონლაინ ჟეჟიმში მიმდინარეობდა.

საქმის არსებითი განხილვა 4 სექტემბერს ჩაინიშნა.

ოთარ სირაძესა და მის ძმას გამოძიება ჯგუფური ძალადობის მუხლს ედავება. საქმე ეხება 4 ივლისს, ონში მომხდარ ინციდენტს, რა დროსაც ჰესების მშენებლობის წინააღმდეგ აქციაზე ბრალდებულებსა და ახალგაზრდა მწვანეების წევრს შორის ფიზიკური დაპირისპირება მოხდა.