„როცა მთავარსარდლები ხართ, საშველად სახალხო დამცველს არ უნდა უძახდეთ“

„როცა მთავარსარდლები ხართ, საშველად სახალხო დამცველს არ უნდა უძახდეთ“ - ომბუდსმენის მოადგილე ზურაბიშვილს

პოლიტიკა - 20:50, 17 Jul, 2020

1704

სახლახო დამცველის მოადგილე საქართველოს პრეზიდენტის განცხადებას სოციალურ ქსელ „ფესბუქში“ ეხმაურება, სადაც სალომე ზურაბიშვილი ამბობს, რომ ომბუდსმენს პრეზიდენტის „შეურცხყოფაზეც“ უნდა ჰქონდეს რეაგირება. „ეს სამწუხარო კამპანიის გაგრძელბაა, რომ სახალხო დამცველმა უნდა დაიცვას თანამდებობის პირები კრიტიკისგან“ - აცხადებს გიორგი ბურჯანაძე.

„პრეზიდენტი რომ ხარ და ამბობ ადამიანის უფლებების დაცვის გარანტი ვარო და მერე იქვე ეუბნები სახალხო დამცველს, ჩემს უფლებებს არ იცავო

აქვე პრეზიდენტი ამბობს რომ ჩემს მიმართ მუქარა განხორციელდა და დაისაჯნენ პირები და რატომ არაფერი თქვა სახალხო დამცველმაო. გულწრფელად ვურჩევ პრეზიდენტს გაეცნოს ჩვენს მანდატს.

პრეზიდენტო, როდესაც სახელმწიფო ორგანოები მუშაობენ და პასუხისგებაში მიცემას ახდენენ პირის, ეს ნიშნავს რომ ადამიანის უფლებები არ ირღვევა. როცა არ მოხდება ეს, მაშინ უნდა მოხდეს სახალხო დამცველის ჩარევა.

ეს განცხადება იმ სამწუხაროდ კამპანიის გაგრძელებაა, რომ სახალხო დამცველმა უნდა დაიცვას თანამდებობის პირები კრიტიკისგან. ძვირფასებო ძლიერნო ამა ქვეყნისანო, თქვენ უნდა აიტანოთ კრიტიკა (მათ შორის მძაფრი) და როცა მთავარსარდლები ხართ, საშველად სახალხო დამცველს არ უნდა უძახდეთ. სახალხო დამცველი არსებობს ადამიანის უფლებების დასაცავად და ადამიანის უფლებებში არსებობს ადამიანი ერთ მხარეს და მეორე მხარეს სახელმწიფო (2x2=4)“ - წერს გიორგი ბურჯანაძე.