შაქარაშვილის საქმე: "მანქანა გააჩერა, გაგვიკვირდა..." - რა ჩვენება მისცა გამოძიებას თავდაცვის სამინისტროს თანამშრომლის შვილმა

პოლიტიკა - 15:27, 15 Jul, 2020

2319

გიორგი შაქარაშილის ბურუსით მოცული გარედაცვალება, 10 წლის ბავშის ჩვენება საქმეში - არასრულწლოვანი, რომელიც მშობლებთან ერთად 18 ივნისის ღამეს ფერად შენობასთან ავტომანქანით იმყოფებოდა, სრულად აღწერს მისი მშობლების მოქმედებებს.

თავდაცვის სამინისტროს თანამშრომელი დავით კიპაროიძე, რომელიც ამტკიცებდა, რომ ოჯახი მიჰყავდა საჩხერეში და თან ჰყავდა მეუღლე და ორი წლის შვილი, ტყუილი აღმოჩნდა. გამოძიებამ გამოკითხა ათი წლის მოზარდი.

მოზარდი ამბობს, რომ სოფელში წასვლის გადაწყვეტილება მოულოდნელად მიიღეს, მცხეთაში კი ხიდთან გააჩერეს ავტომობილი და მამა გადავიდა მანქანიდან, მალევე მოიტანა მწვანილი.

ბავშვი ყვება, რომ მათთან იყო დედა, რომელმაც ასევე დატოვა მიკროავტობუსი და ნახა, თუ რას აკეთებდა მამა.

გამომძიებლები ინტერესდებიან, დაინახა თუ არა ვინმე ხიდის მიმდებარედ ათი წლის მოწმემ - ბავშვის თქმით, მას არავინ დაუნახავს და არაფერი გაუგონია.

"ღამე მოულოდნელად გადავწყვიტეთ წამოსვლა. მამამ გზაში ერთ-ერთი ხიდის გადავლის შემდეგ გააჩერა მანქანა და ისე, რომ არაფერი უთქვამს გადავიდა მანქანიდან. მე და დედას გაგვიკვირდა. მამა რომ მოვიდა ხელში ეწერა მწვანილი, რომელიც ჩადო მანქანაშ და გავაგრძელეთ გზა.

მამა იჯდა საჭესთან მე ვიჯექი მის გვერდით ანუ წინა სავარძელზე და ჩემს გვერდით იჯდა დედა. ისიც წინა სავარძელზე. გზაზე დაყრილი მწვანილი არ დამინახავ. ხიდთან გაჩერებული სხვა ადამიანი ან მანქანა არ შემინისშნავს. როცა გაჩერებულები ვიყავით არავის ხმა ან ხმაური არ გამიგია" - ნათქვამია 10 წლის ბავშვის ჩვენებაში.
შეგახსენებთ, რომ ე.წ. ნიახურის ეპიზოდი შაქარაშვილის საქმეში მას შემდეგ გახდა აქტუალური, რაც ერთ-ერთმა მოწმემ განაცხადა, რომ შემთხვევის ადგილის მიმდებარედ მანქანა მწვანილის შესაგროვებლად გააჩერა.