19 წლის ფეხბურთელის ბურუსით მოცული გარდაცვალება - გიორგი შაქარაშვილის საქმეზე 10 წლის ბავშვია გამოკითხული. ინფორმაციას ერთ-ერთი ადვოკატი, გიორგი ყიფშიძე, ავრცელებს.

საქმეზე ერთ-ერთი დაკავებული პირის, გიგა ტატიაშვილის ადვოკატი აცხადებს, რომ მცირეწლოვანი ე.წ. მწვანილის ეპიზოდზეა გამოკითხული.

„მასალები არის, მათ შორის გამოკითხვის ოქმები და ახალი სახეები საქმეში. ათი წლის ბავშვიც კი გამოკითხულია ამ საქმეში - დეტალებზე ვერ ვისაუბრებ, მაგრამ ფიგურირებს მწვანილის თემაზე", - ამბობს ყიფშიძე.

შეგახსენებთ, რომ ე.წ. ნიახურის ეპიზოდი შაქარაშვილის საქმეში მას შემდეგ გახდა აქტუალური, რაც ერთ-ერთმა მოწმემ განაცხადა, რომ შემთხვევის ადგილის მიმდებარედ მანქანა მწვანილის შესაგროვებლად გააჩერა.