საქართველოს პროკურატურის განცხადებით, მზად არიან, საქართველოს სახალხო დამცველთან გიორგი შაქარაშვილის საქმის ფარგლებში „ნებისმიერ ეტპაზე ითანამშრომლონ“.

პროკურატურაში ამბობენ, რომ ომბუდსმენის აპარატის წარმომადგენლებს საქმის მასალების გაცნობის საშუალება მიეცემათ.

„საქართველოს პროკურატურა მზადყოფნას გამოთქვამს, გიორგი შაქარაშვილის საქმის გამოძიების ფარგლებში, ნებისმიერ ეტაპზე ითანამშრომლოს სახალხო დამცველთან. აღნიშნულთან დაკავშირებით, პროკურატურის წარმომადგენლებს უკვე ჰქონდათ კომუნიკაცია სახალხო დამცველის აპარატთან. ომბუდსმენის აპარატის წარმომადგენლებს მიეცემათ საშუალება გაეცნონ სისხლის სამართლის საქმის მასალებს“, - ვკითხულობთ უწყების განცხადებაში.