ასოცირების ხელშეკრულების შესწორება და კიდევ უფრო გაზრდილი უკმაყოფილება

ასოცირების ხელშეკრულების შესწორება და კიდევ უფრო გაზრდილი უკმაყოფილება - ოპოზიცია ხელისუფლებას აფრთხილებს

პოლიტიკა - 10:28, 14 Jul, 2020

904

ევროკავშირის საგარეო საქმეთა კომიტეტში საქართველოსა და ევროკავშირს შორის ასოცირების ხელშეკრულებასთან დაკავშირებით შესწორება მომზადდა, სადაც საუბარია 8 მარტის შეთანხმებაზე, კანონის უზენაესობის აღსრულებასა და მედიათავისუფლებაზე. ანგარიშს ევროპარლამენტი სექტემბერში დაამტკიცებს.

ევროპარლამენტის კრიტიკულ ანგარიშს "ქართული ოცნების" ოპონენტები ეხმაურებიან. მათი თქმით, ანგარიში საქართველოს ხელისუფლებისთვის ერთგვარი მონიტორინგია და არ გამორიცხავენ, რომ ანგარიშს კიდევ უფრო მკაცრი შინაარსის შესწორებები დაემატოს.

"ეს არის ძალიან მნიშვნელოვანი გზავნილი ხელისუფლებისთვის, ამ ანგარიშს დაამტკიცებს ევროპარლამენტი სექტებმბერში, მანამდე არის დრო, შესაბამისად შეიძლება, რომ ჩასწორბები ამ ანგარიშში გაკეთდეს, როგორც გამკაცრების თვალსაზრისით, ასევე პირიქით“ - აცხადებს სალომე სამადაშვილი.

"ევროპული საქართველოს" წევრის გიორგი კანდელაკის თქმით, ევროპარლამენტის ანგარიში მიუთითებს, რომ საქართველოში არსებული მედია გარემოსადმი მთლიანად მთელი ევროკავშირია დაინტერესებული.

"ნიშანდობლივია, რომ იმ პოლიტიკურ საქმეებზე, მედია მფლობელების მიმართ, სადაც გიორგი რურუა მოიზარება, არის მოწოდება ევროკავშირის აღმასრულებელი სტქრუქტურების მიმართ, რომ აწარმოონ ამ საქმეების მონიტორინგი, რომ ყურადღება ამ საქმეების მიმართ აქვთ არა მხოლოდ ევროპარლამნეტს, არამედ მთლიანად ევროკავშირს" - განაცხადა კანდელაკმა.