პარლამენტის პირველი ვიცე-სპიკერი, გია ვოლსკი რუსი სამხედროების მიერ საქართველოს მოქალაქის დაჭრასა და დაკავებას გამოეხმაურა.

მან აღნიშნა,რომ ოკუპაცია კარგი არაა და ზოგს დაიჭერენ და ზოგს ფეხში დაჭრიან.

"ზოგს დაიჭერენ, ზოგს ფეხში დაჭრიან, ეგ არის ოკუპაცია. აბა, შენ რა გგონია ოკუპაცია, რომ კარგია, თუ რა?!" -განაცხადა გია ვოლსკიმ.

შეგახსენებთ, 11 ივლისს ოკუპანტებმა კასპში მამაკაი გაიტაცეს. მანამდე კი ცეცხლსასროლი იარაღით დაჭრეს. შერიგებისა და სამოქალაქო თანასწორობის საკითხებში სახელმწიფო მინისტრის მოვალეობის შემსრულებელის, ლია გიგაურის ინფორმაციით, ის ახალგორის საავადმყოფოშია და მის სიცოცხლეს საფრთხე არ ემუქრება.