როგორც "ვერსიასთან" ექსპერტი განმარტავს, შესაძლოა რკინიგზელთა გაფიცვა ვინმეს მიერ იმართებოდეს.

- რკინიგზის ირგვლივ ბევრი ინტერესჯგუფია, რომელიც თავის დროზე, აქ ხელებს ითბობდა. დღეს მათი ე.წ. ფინანსური წყარო გადაკეტილია. კონკრეტულად არავის ვადებ ხელს, მაგრამ არ გამოვრიცხავ, რომ სწორედ ისინი იყვნენ დაინტერესებულნი, რომ დაძაბულობა შექმნან. რკინიგზაზე თუნდაც ერთი დღით პრობლემების შექმნას, შესაძლოა, გრძელვადიანი და გაცილებით სერიოზული ზარალი მოჰყვეს.

მითუმეტეს როდესაც ხელმძღვანელობა უარს არ ამბობს მოლაპარაკებაზე, მაგრამ მხოლოდ სამუშაო რეჟიმში და არა ულტიმატუმის ენაზე! ასეთ ვითარებაში, ამ ტიპის რადიკალური ღონისძიებები გარკვეულ კითხვებს ბადებს, რაც აუცილებლად გასარკვევია.

ბევრად უარესი მდგომარეობა იყო წინა ხელისუფლების პირობებში, მაშინ რატომ არ გამოდიოდნენ, რა, კარგად ცხოვრობდნენ? დღეს რატომ გააქტიურდნენ, დამატებითი ინტერესი გაჩნდა ე.წ. დაზარალებული ბიზნესმენების მხრიდან? არ გამოვრიცხავ, რომ ეს გაფიცვა კი არა, საბოტაჟის მცდელობა იყოს... როდესაც რკინიგზაზე გარკვეული ბიზნესჯგუფები ფულს იპარავდნენ და საკმაოდ სერიოზული შემოსავალი მათ ჯიბეებში ილექებოდა - დავით კეზერაშვილის ჯგუფს რომ რკინიგზიდან 10 000 000 – 12 000 000 აშშ დოლარი სახლში მიჰქონდა, ეს ხალხი მაშინ ხმას რატომ არ იღებდა?" - აცხადებს გია ხუხაშვილი.