"ბიძა რომ იძახდა, არავითარი დაზიანების კვალი არაა სხეულზეო, ახლა რას ეუბნება საზოგადოებას"

"ბიძა რომ იძახდა, არავითარი დაზიანების კვალი არაა სხეულზეო, ახლა რას ეუბნება საზოგადოებას" - ნიკა გვარამია

სამართალი - 15:18, 10 Jul, 2020

1127

შაქარაშვილის საქმეზე ექსპერტიზის დასკვნას, რომლის მიხედვითაც გარდაცვლილს სხეულზე სიკვდილამდე მიყენებული დაზიანებები აღენიშნება, "მთავარი არხის" დამფუძნებელი ნიკა გვარამია სოციალურ ქსელში ეხმაურება.
გვარამიას თქმით, რომ არა "მთავარი არხი" და სხვა ოპოზიციური მედია შაქარაშვილის საქმე არ გაიხსნებოდა, რაც იმაზე მეტყველებს, რომ საქმეში არიან ადამიანები, ვინც დამნაშავეებს მფარველობენ.

"ყველაფერი მთავარმა არხმა მოიგონა ხომ? არადა, აღმოჩნდა, რომ ყველაფერი მთავარმა არხმა გახსნა. სხვა ოპოზიციურმა ჟურნალისტებმა და ტელევიზიებმაც, ცხადია. ახლა, დარჩა მთავარი პასუხგაუცემელი შეკითხვა: რატომ აღმოჩნდნენ ტელევიზიები საქმის გამომძიებლები და რატომ არ გაიხსნებოდა საქმე, რომ არა მედიის აგრესიული შეტევა გამოძიებაზე? ანუ:ვინ აფარებდა ხელს მკვლელებს და ვინ აიძულებდა და დღესაც აიძულებს გამოძებას კვალის არევას?ps და ბიძა და დამოუკიდებელი ექსპერტი აქამდე რომ იძახდნენ, არავითარი დაზიანების კვალი არაა სხეულზეო, ახლა რას ყვებიან, უამრავი სიცოცხლისდროინდელი დაზიანება რომაა სხეულზე? "ფეხი დაუცდა" ვერსიას რომ განიხილავდნენ ძრითად ვერსიად, ახლა რას ეუბნებიან საზოგადოებას?!" - წერს ნიკა გვარამია.