"სამართალდამცველებმა დაადგინეს იმ პირის ვინაობა, რომელიც გავრცელებულ ვიდეოკადრებში ფიგურირებს"

"სამართალდამცველებმა დაადგინეს იმ პირის ვინაობა, რომელიც გავრცელებულ ვიდეოკადრებში ფიგურირებს" - ბილანიშვილის, იგივე "კაწროს" ადვოკატი

პოლიტიკა - 23:43, 08 Jul, 2020

825

ბილანიშვილი იმ დროს უბნიდან არ გასულა და არანაირი კავშირი არ აქვს ამ საქმესთან - ამის შესახებ ავთანდილ ბილანიშვილის, იგივე "კაწროს" ადვოკატმა იგივე თამარ აბესაძემ განაცხადა.

„მთავარმა არხის“ მიერ გავრცელებული ვიდეომასალიდან ჩანს, რომ „ტოიოტა ქამრის“ მარკის ავტომანქანიდან ჩამოსვლის შემდეგ გურამ ამირხანაშვილი დაუდგენელ პირს ხვდება. კადრებში ასევე ჩანს მიკროავტობუსი, საიდანაც სწორედ აღნიშნული პირი ჩამოდის. ის ამირხანაშვილს რამდენიმე წუთის განმავლობაში ესაუბრება. მედიაში გავრცელებული ინფორმაციის თანახმად ეს პირი "კაწრო" იყო. ადვოკატი ამ აქტს უარყოფს და აცხადებს, რომ ბილანიშვილმა სამრთალდამცავებს ეს დაუმტკიცა.

"ავთანდილ ბილანიშვილმა მოიხადა მოქალაქეობრივი ვალი გავრცელებული ამაზრზენი ინფორმაციის საპასუხოდ. გამოცხადდა სამინისტროში, წარადგინა მტკიცებულებები, ამონაწერი, ტელეფონის დეტალური, სხვა მტკიცებულებებიც, რის საფუძველზეც დასტურდება, რომ ბილანიშვილი იმ დროს უბნიდან არ გასულა და არანაირი კავშირი არ აქვს ამ საქმესთან.. ცრუ ინფორმაცია იქნა გაჟღერებული და ეს არ შეიძლება. ავთანდილ ბილანიშვილის ამ საქმეში რაღაც ფორმით მიკვრა არის პოლიტიკური ამბიციების ფონი. ბილანიშვილმა მისცა ამომწურავი ჩვენება იმ ბრალდებებთან დაკავშირებით, რომელიც მის წინააღმდეგ მოქმედებს ეს დღეებია", - ამბობს ადვოკატი თამარ აბესაძე.
ავთანდილ ბილანიშვილის, იგივე "კაწროს" ადვოკატის თამარ აბესაძის ინფორმაციით, პირი, რომელიც მედიით გავრცელებულ ვიდეოკადრებში ფიგურირებს შსს-ში გამოკითხვაზე იმყოფებოდა.
"მინდა გაცნობოთ, რომ ზუსტად ახლა, ამ წუთებში, სამართალდამცველებმა დაადგინეს ის პირი, რომელზეც "მთავარი არხი" ამბობდა, რომ ეს არის "კაწრო"" - განაცხადა ადვოკატმა.