შაქარაშვილის საქმე - „კაწრო იგივე იმუნიტეტით სარგებლობს, რითაც ფარცხალაძე... ეს ჯგუფი მართულია „ოცნებისა“ და კრიმინალების მხრიდან“

პოლიტიკა - 13:43, 08 Jul, 2020

595

"ამ საქმესთან დაკავშირებით, სამწუხაროდ, ყველაზე უარესი სცენარი დასტურდება, რაც შეიძლება განვითარებულიყო" - ასე აფასებს ერთიანი ნაციონალური მოძრაობის პოლიტიკური საბჭოს წარმომადგენელი მურთაზ ზოდელავა შაქარაშვილის საქმის ძიებას.

"ჩანს, რომ ეს ჯგუფი სპონტანურად ორგანიზებული არ იყო, ეს იყო დიდი ალბათობით საარჩევნო ძალადობისთვის დიდი ხნით ადრე შექმნილი ჯგუფი, რომელსაც უკვე გამოცდილებაც მიღებული ჰქონდა. ასევე, შესაბამისი კავშირებიც ძალოვან უწყებებში. ამ ჯგუფის ძალადობრივი აქტი წინასწარ იყო ძალოვანებთან შეთანხმებული, რომ ისინი არ უნდა დაეკავებინათ და შემდგომ

ირთვება მათი მიჩქმალვის პროცედურაც. ამაში ჩართულია როგორც პროკურატურა, ასევე ექსპერტიზის სამხარაულის ბიურო, ჯანდაცვის სფეროს მენეჯერები. ესაა სისტემური ამბავი. ეს ჯგუფი მფარველობით სარგებლობს.

ასევე, იკვეთება მათი ბმა, დიდი ალბათობით, კანონიერი ქურდის შვილთან კაწროსთან, რომელსაც დაკითხვაც ვერ გაუბედეს როგორც ფარცხალაძეს. კაწრო იგივე იმუნიტეტით სარგებლობს, რითაც ფარცხალაძე.

გამოილვეთა მოწმეებზე ზეწოლაც არამხოლოდ ძალოვანებისგან, ასევე ამ კრიმინალური ჯგუფისგან.

აბსოლუტურად აშკარაა, რომ ეს ჯგუფი მართულია ოცნებისა და კრიმინალების მხრიდან."- განაცხადა ზოდელავამ "ნიუპოსტთან".