სსიპ ლევან სამხარაულის სახელობის სასამართლო ექსპერტიზის ეროვნული ბიუროს რეგიონული და ცენტრალური  დეპარტამენტის თანამშრომლები აშშ-ს ჯორჯიის შტატის გამოძიების ბიუროს სამედიცინო ექსპერტიზის სამსახურში (GBI)  სამუშაო ვიზიტით გაემგზავრნენ.

ვიზიტის ფარგლებში ქართველი ექსპერტები გაეცნობიან ამერიკული ლაბორატორიის ყოველდღიურ საქმიანობას, გაიზიარებენ  გამოცდილებასა და მუშაობის პრინციპებს.

აღსანიშნავია ის ფაქტი, რომ ბიუროსა და ჯორჯიის შტატის გამოძიების ბიუროს შორის მჭიდრო პარტნიორული ურთიერთობა აკავშირებს. ურთიერთობის ფარგლებში ამერიკულმა ლაბორატორიამ ექპერტიზის ბიუროს ტექნიკა გადასცა საჩუქრად.

ვიზიტის ორგანიზატორი, ბიუროსთან ერთად, არის საქართველოში აშშ-ს საელჩოს ანტინარკოტიკული და სამართალდაცვითი პროგრამა(INL), რომელიც ბიუროსთვის ყველაზე მსხვილი საერთაშორისო პარტნიორია. ურთიერთთანამშრომლობის ფარგლებში ბიუროს არაერთმა თანამშრომელმა აიმაღლა კვალიფიკაცია აშშ-ში.