სკანდალი შაქარაშვილის საქმეში. "მთავარმა არხმა" საქმის მასალების და გავრცელებული ვიდეო მასალების გაშიფვრის შემდეგ მნიშვნელოვანი დეტალი აღმოაჩინა.

კადრებიდან და საქმის მასალიდან ირკვევა, რომ ყველა დაზარალებულს დაზიანებები მარჯვენა მხარეს, სახის არეში აქვს მიყენებული. მოძალადე, რომელიც ყველაზე მეტს აქტიურობდა ცაციაა.

ცნობილია, რომ "მთავარ არხზე" გასული სიუჟეტის შემდეგ ჟურნალისტ ელისო კილაძეს სანდო წყარო დაუკავშირდა, რომელმაც განაცხადა, რომ საქმეში ნამდვიალად ფიგურირებს ცაცია და ეს ნიკა ჟვანიაა, რომელიც ბიძინა ივანიშვილთან დაახლოებული ასკანელი ძმებიდან ერთ-ერთის გოჩა ჩხაიძის ნათლულია.

"მე მოვუწოდებ მთავარ პროკურატურას თავი დაანებეთ საქმის შეკერვას, იმიტომ რომ რეალურად არ იკერება და ყველა დეტალი ნელ-ნელა და გზადაგზა ცხადდება" - განაცხადა ელისო კილაძემ.