რუსმა ოკუპანტებმა საქართველოს მოქალაქე დაჭრა. შემთხვევა გვიან ღამით მოხდა. ის ზუგდიდის რეფერალური საავადმყოფოშია მოთავსებული.

ერთ-ერთი ვერსიით შუახნის მამაკაცი ოკუპირებული გალიდან სოფელ ფიჩორის გავლით, განმუხურში გადაპარვას ცდილობდა, რა დროსაც ის ოკუპანტებმა შეამჩნიეს და უკან დაბრუნება მოსთხოვეს. მამაკაცი მათ მოთხოვნას არ დაემორჩილა და გაქცევა სცადა, რა დროსაც მას ესროლეს.

ფაქტზე საქმე ქართველმა სამართალდამცავებმა სხეულის განზრახ მძიმე დაზიანების მუხლით აღძრეს.