უბედური შემთხვევა ენგურის ხიდზე - დაღუპულია ოთხი ქალი.

ისინი გვიან ღამე ენგურის ხიდის გამოსვლას ცდილობდნენ.

იმის გამო რომ ენგურის ხიდი დაკეტილია, ქალები გალის რაიონიდან საქართველოს კონტროლირებად ტერიტორიაზე გადმოსვლას, რუხის ხიდთან ახლოს მდინარე ენგურის გადმოლახვას ცდილობდნენ. სავარაუდოდ, სწორედ ამ დროს ადიდებულმა მდინარემ ოთხივე ქალი იმსხვერპლა.

ადგილობრივები ამბობენ, რომ ქალბატონები სიგარეტის გამოსატანად გალის რაიონში იმყოფებოდნენ და მათივე ინფორმაციით, გარდაცვლილების ცხედრები ოკუპირებულ სოფელშია დასვენებული. თუმცა იქიდან გამომდინარე, რომ სოფელი საქართველოს კონტროლირებად ტერიტორიას არ ეკუთვნის ადგილობრივებთან ჯერჯერობით უწყების ოფიციალური ცნობა არ მოსულა.