ივანიშვილის მიერ შექმნილი "ბლატიანი ოჯახის შვილების ტრენდი" გახმაურებულ საქმეებში

ივანიშვილის მიერ შექმნილი "ბლატიანი ოჯახის შვილების ტრენდი" გახმაურებულ საქმეებში - რა ინფორმაციაზე საუბრობს მურთაზ ზოდელავა

პოლიტიკა - 15:10, 03 Jul, 2020

1051

გიორგი შაქარაშვილის ბურუსით მოცული გარდაცვალება და საქმის სავარაუდო ფალსიფიცირება - "ნაციონალური მოძრაობის" პოლიტსაბჭოს წევრი მურთაზ ზოდელავა მცხეთაში მომხდარ საზსარელ ფაქტზე საუბრისას პარალელს ხორავას ქუჩის საქმესთან ავლებს.

მისი თქმით, " ქართულმა ოცნებამ" "ბლატიანი ოჯახის შვილების ტრენდი" გააჩინა.
ზოდელავა გახმაურებულ საქმეებს იხსენებს და აცხადებს, რომ "ოცნებამ" შეკრა 90-იანი წლების წრე, რა დროსაც დანაშაულებებს ჩადიოდნენ, კრიმინალური ავტორიტეტებისა და მოქმედი მაღალჩინოსნების შვილები.

"ქართულმა ოცნებამ" გააჩინა ბლატიანი ოჯახის შვილების ტრენდი. ბოლო ტრაგედიაში შეიკრა 90-იანი წლების წრე და ქურდის შვილის სადღაც ფიგურირებს . მინისტრის მოადგილის შვილი, პროკურორის შვილი . ასე იყო 90-იანებშიც, პროკურორი, მინისტრის და ქურდების შვილები ჩადიოდნენ დანაშაულებს და გამოირკვეოდა მერე, რომ ეს შვილები იყვნენ 27-28 წლის მუტრუკები. ყოველთვის ეს შვილები იყვნენ ბლატიანი ოჯახის შვილები. ესენი "გააბლატავა" სწორედ ხელისუფლებამ. ეს არ არის ცალკე აღებულკი ფაქტი, გავიხსენოთ ცოტნე გამსახურდიაზე თავდასხმა, ხორავას ქუჩის საქმე, ახლა კიდევ გუშინ, ფოთში მამის თვალწინ მოხდა თავდასხმა , ვიღაც ხელჯოხიანი, როგორც ამბობენ, კრიმინალური ავტორიტეტები გაუსწორდნენ მამა-შვილს და ჩაისვეს ეს ახალგაზრდა კაცი მანქანაში, მამა განწირული ეძებდა შვილს და უცებ, კაცს პოულობენ გარდაცვლილს. ვინ არიან ეს ჯგუფები და ვინ გააბლატავა ეს ხალხი?! ბიძინა ივანიშვილმა, ხელისუფლებამ შექმნა ისეთი გარემო ქვეყანაში, როცა ბლატიანი ხალხი ისევ არსებობს," - ამბობს მურთაზ ზოდელავა "ტვ პირველის" ეთერში.