მინისტრმა აღნიშნა, რომ უახლოეს დღეებში ე.წ. საზღვართან მცხოვრებ ოჯახებს სპეციალურად მათთვის დამზადებულ პლასტიკურ ბარათებზე სახელმწიფო 200-200 ლარს დაურიცხავს:

"ფინანსთა სამინისტრო აწარმოებს შესაბამის მოლაპარაკებებს "სახალხო ბანკთან“, რომელსაც აქვს ამ მიმართულებით მუშაობის გამოცდილება. უახლოეს დღეებში დამზადდება საჭირო პლასტიკური ბარათები და გამგეობებიდან გადმოგზავნილი სიების საფუძველზე, მათზე 200-200 ლარი დაირიცხება,“ - განაცხადა დროებითი სამთავრობო კომისიის თანათავმჯდომარემ, რეგიონული განვითარებისა და ინფრასტრუქტურის მინისტრმა დავით ნარმანიამ.

მისივე თქმით, გარემოს დაცვის სამინისტრომ უკვე გამოყო ტყეკაფები, სადაც ამ ოჯახებისთვის საჭირო შეშა უნდა მოიჭრას. ასევე, აქ მცხოვრები სტუდენტების სწავლას სახელმწიფო სრულად დააფინანსებს.