პრემიერ-მინისტრმა, გიორგი გახარიამ მთავრობის სხდომაზე ერთიან ეროვნულ გამოცდებზე ისაუბრა. მისი განმარტებით, საგამოცდო ოთახში კონდიციონერის ჩართვა იმ შემთხვევაში იქნება დაშვებული, თუ ტემპერატურა 30 გრადუსს მიაღწევს.

„საგამოცდო ადგილას, რომელიც იქნება უზრუნველყოფილი დეზობარიერით, გამოცდის ჩაბარების პერიოდში აბიტურიენტს ექნება უფლება, რომ პირბადე მოიხსნას. რა თქმა უნდა ფანჯრები ყველგან უდნა იყოს ღია.

ამასთან, თუ ტემპერატურა ავა 30 გრადუსამდე, შესაძლებელია კონდიციონერის ჩართვა. ეს რეკომენდაციები ჩვენ მიღებული გვაქვს ჯანდაცვის მსოფლიო ორგანიზაციისგან და ფაქტობრივად ჩვენ კომფორტულ გარემოს შევუქმნით აბიტურიენტებს, რომ მაქსიმალურად გამოავლინონ ცოდნა“,- განაცხადა გახარიამ.