სპორტსმენი, რომელმაც ხელისუფლება „ზონდერჯგუფის“ შექმნაში ამხილა, პროკურატურაში დაიბარეს

პოლიტიკა - 14:58, 01 Jul, 2020

1017

სპორტსმენი ფირუზ წულუკიძე ის პროკურატურაში გამოკითხვაზეა დაიბარებული. წულუკიძე მის საგამოძიებო ორგანოში დაბარებას სკანდალურ განცხადებას უკავშირებს, რომლის მიხედვითაც აჭარის მთავრობის თავმჯდომარის მამა, დავით რიჟვაძე აჭარის პოლიციის დეპარტამენტის უფროსთან, კოტე ანანიაშვილთან ერთად, საიდუმლოდ ხვდებოდა და წინასაარჩევნოდ დახმარებას სთხოვდა.

მოჭიდავის ინფორმაციით, მას უკვე მოხდილ სასჯელზე სასამართლო 7 ივლისს ისევ ჩაუნიშნეს. წულუკიძე ამბობს, რომ მის ოჯახის წევრებსაც ემუქრებიან.

„დამიკავშირდნენ და მითხრეს, რომ პროკურატურაში ვარ დაბარებული ტელევიზიაში ჩემს განცხადებებთან დაკავშირებით. მე სამწუხაროდ ციხეში ვიჯექი, სასჯელი მოვიხადე და ისევ იმ საქმესთან დაკავშირებით, სააპელაციოში სასამართლო მაქვს ჩანიშნული. 7 ჩამინიშნეს სასამართლო პროცესი. ადვოკატი დამიკავშირდა და ამის შესახებ გამაგებინა. არ უნდა მქონოდა წესით, უვადოდ იყო გადადებული და დაჩქარებული წესით ჩამინიშნეს. უკვე დაიწყეს ჩემზე, ჩემი ოჯახის წევრებსა და ახლობლებზე ზეწოლა. დარწმუნებული ვარ, რომ სასიკეთო არაფერი იქნება. ჩემმა ძმამ მითხრა, რომ მასაც აქვს ბევრი სათქმელი იმ შეხვედრებთან თუ საუბრებთან დაკავშირებით, რომლებზეც სავარაუდოდ იმ სასამართლოს შემდეგ ისაუბრებს“, - განაცხადა ფირუზ წულუკიძემ.