"ქართული ოცნების" ერთ-ერთი ლიდერი ირაკლი კობახიძე ნაციონალურ მოძრაობას საკონსტიტუციო ცვლილებების ჩაგდების მცდელობაში ადანაშაულებს. იგი ამბობს, რომ ენმ-ს ადა მარშანიასა და ემზარ კვიციანის კენჭისყრიდან ჩამოშრება უნდოდა.

"ჯერ კიდევ პირველ მოსმენამდე მათ ორი დამოუკიდებელი დეპუტატი ჩამოაშორეს კენჭისყრას. უშუალოდ, პირველი მოსმენის წინ მათ კენჭისყრას ჩამოაშორეს ემზარ კვიციანი, მეორე მოსმენამდე მათ კენჭისყრას ჩამოაშორეს ადა მარშანია. მაგალითად, მეორე მოსმენისას ვიკითხეთ სად იყო ადა მარშანია, გვითხრეს რომ ჰქონდა წნევა და ვერ ჩამოდიოდა რაჭიდან. ჩვენ გადავამოწმეთ ჩვენი პარტიული ხაზით, სად იყო ადა მარშანია და იგი იყო ქობულეთში", - განაცხადა კობახიძემ "ღამის კურიერის" ეთერში.