"სად ვიქნები მე, გადაწყდება ისე, როგორც გაერთიანებისთვის იქნება უმჯობესი, მაგრამ ვიქნები იმ კოალიციაში, რომელიც ივანიშვილს ხელისუფლებიდან ჩამოაშორებს"

"სად ვიქნები მე, გადაწყდება ისე, როგორც გაერთიანებისთვის იქნება უმჯობესი, მაგრამ ვიქნები იმ კოალიციაში, რომელიც ივანიშვილს ხელისუფლებიდან ჩამოაშორებს" - ბაჩუკი ქარდავა

პოლიტიკა - 16:04, 30 Jun, 2020

517

დღეს გაერთიანებული ოპოზიცია "ძალა ერთობაშიას" მორიგი შეხვედრა გაიმართა, სადაც წინასაარჩევნო საკითხების რექნიკურ მხარეებზე იმსჯელეს. როგორც "ეროვნულ-დემოკრატიული" პარტიის თავმჯდომარემ, ბაჩუკი ქარდავამ შეხვედრის მიმდინარეობისას აღნიშნა, მთავარი საკითხი, რომელიც ახლა დღის წესრიგშია, ეს ივანიშვილის ოლიგარქიული რეჟიმის დამარცხებაა.

"მთავარი საკითხი, რომელიც ახლა დღის წესრიგში დგას, არის ის, თუ როგორ შეიცვალოს უმტკივნეულოდ ბიძინა ივანიშვილის მავნებლური ხელისუფლება. ეს ამოცანა მთლიანად ოპოზიციის წინაშეა და ყველაზე მძლავრი ძალა, როგორიც „ძალა ერთობაშია“ და რომელიც გამოვცადეთ 2019 წლის საპრეზიდენტო არჩევნებში, აჩვენებს, რომ 2020 წლის საპარლამენტო არჩევნებში ბიძინა ივანიშვლის დამარცხება შესაძლებელია. რაც შეეხება იმას, სად ვიქნები მე - მაჟორიტარად თუ ა.შ. ეს საკითხი გადაწყდება ისე, როგორც გაერთიანებისთვის იქნება უმჯობესი. თუმცა, ერთი რამ ნამდვილად შემიძლია გითხრათ - ვიქნები იმ კოალიციაში, რომელიც ივანიშვილის მავნებლური ხელისუფლებიდან დაზარალებულ ქვეყანას მდგომარეობიდან გამოიყვანს", -აღნიშნა ბაჩუკი ქარდავამ.