მამუკა მდინარაძის განცხადებით, ნაციონალურმა მოძრაობამ და ევროპულმა საქართველომ არა მხოლოდ არ შეასრულეს 8 მარტის შეთანხმება, არამედ მის წინააღმდეგაც წავიდნენ.

"მე ვთქვი, რომ დღეს არის ისტორიული, ნაცმოძრაობისთვისა და ევროპული საქართველოსთვის აღმოჩნდა ისტერიული. ეს დამოწმდა მათ მიერ დაორგანიზებული, პარლამენტს გარეთ ჩატარებული აქციით, ისინი ისტერიით შეხვდნენ დღევანდელ გადაწყვეტილებას და არა თუ გავიდნენ ამ შეთანხმებიდან, არამედ წავიდნენ ამ შეთანხმების წინააღმდეგ. ახლა რითი შეფუთავენ, რომელიმე კრიმინალის გათავისუფლების მოთხოვნით თუ ასე შემდეგ, ამას არ აქვს მნიშვნელობა. მთავარია, რომ ისინი გავიდნენ შეთანხმებიდან, არ შეასრულეს შეთანხმების პირობები და წავიდნენ მის წინააღმდეგ", - განაცხადა მდინარაძემ.