როგორც დღეს "პრაიმტაიმის" პრესკლუბში გოგოხიამ განაცხადა, მათ სასურველი ჩვენების მისაღებად ჟურნალისტს სასურველი თანამდებობა შესთავაზეს. 

"ჩემზე ზეწოლა განახორციელა ირაკლი ალასანიამ, ლაშა ნაცვლიშვილმა, გელა კვანტალიანმა და კახა ჩიხრაძემ. თბილისში, კონსპირაციულ ბინაში მოხდა ჩვენი შეხვედრა. ლაშა ნაცვლიშვილი პირდაპირ მთხოვდა, რომ მე მათ დავხმარებოდი ხურჩის ტერაქტის "გაპრავებაში". ირაკლი ალასანიამ პირდაპირ მითხრა: ემა შენ იმ ხელისუფლებაში არასდროს ყოფილხარ დაფასებული, დაგვეხმარე შენი აღიარებითი ჩვენებით და ჩვენ შენ გაგიშვებთ მოსკოვში სადაც გექნება ბიზნესი და იქიდან დაბრუნებულს დაგხვდება კარგი თანამდებობა", - აცხადებს გოგოხია.

მისივე თქმით, ზემოაღნიშნულთან დაკავშირებით არსებობს საქმის ერთ-ერთი მთავარი მოწმე.

"მზად ვარ ამ ყველაფერზე და ყველა სხვა დეტალზე ვისაუბრო სასამართლოში. მე მაქვს კონკრეტული მტკიცებულებები ამასთან დაკავშირებით", - აცხადებს გოგოხია.