„ესაა ყველა ოპოზიციური პარტიის, არასამთავრობო ორგანიზაციებისა და რა თქმა უნდა, იმ ახალგაზრდების გამარჯვება, რომლებიც საკუთარი სისხლის ფასად იბრძოდნენ. ასევე, ჩვენი პარტნიორი ქვეყნების. “ - ასე ეხმაურება ფრაქცია „ერთიანი ნაციონალური მოძრაობის“ თავმჯდომარე რომან გოცირიძე მესამე მოსმენით საკონსტიტუციო ცვლილებების მიღებას.

მისივე თქმით, იგი დარწმუნებულია, რომ ბიძინა ივანიშვილს და მის ხელისუფლებას მოუწევს პოლიტპატიმარ გიორგი რურუას გათავისუფლება.

„ეს იყო დიდი ზეწოლის შედეგი. ზეწოლის როგორც საერთაშორისო თანამეგობრობის მხრიდან, ასევე ჩვენი ამომრჩევლების მხრიდან. ვერ გაუძლო ივანიშვილმა ამ წნეხს. მას გონება უნათდება როგორც კი მის ფულს საფრთხე ემუქრება.

რაც შეეხება ჩვენს ჩართულობას კენწისყრაში, ჩვენ მონაწილეობა არ მივიღეთ, რადგან 8 მარტის შეთანხმება სანახევროდაა შესრულებული. არ შესრულდა ის ნაწილი, სადაც პოლიტიკურ დევნასა და პოლიტპატიმრებზეა საუბარი. არ გათავისუფლდა გიორგი რურუა, თუმცა, ბიძინა ივანიშვილს ამის გაკეთება მაინც მოუწევს.“ - აცხადებს დეპუტატი.