2008-ში მთავრობის მიერ გადადგმულმა ნაბიჯებმა რუსეთს საქართველოში შეჭრის საბაბი მისცა - რა განაცხადა გერმანიის ელჩმა 2019 წელს Пограничная ZONA-ში სტუმრობისას

პოლიტიკა - 15:10, 28 Jun, 2020

740

საქართველოში გერმანიის ელჩი, ჰუბერტ კნირში აცხადებს, რომ 2008 წელს ომი რუსეთის ინტერესებსში იყო, თუმცა, საქართველოს მთავრობის მიერ გადადგმულმა ნაბიჯებმა რუსეთს საქართველოში შეჭრის საბაბი მისცა. ეს განცხადება მან 2019 წლის 9 დეკემბერს ეგორ კუროპტევის Пограничная ZONA-ში სტუმრობისას გააკეთა.

ცნობისთვის, კნირში საქართველოში ელჩად 2018 წელს დაინიშნა, მანამდე ის რუსეთის ფედერაციაში გერმანიის საელჩოს პოლიტიკურ განყოფილებას ხელმძღვანელობდა.

გთავაზობთ ამონარიდებს ამ ინტერვიუდან:

"კუროპტევი: ნუთუ ყირიმის მოვლენების შემდეგ საერთაშორისო საზოგადოებამ ვერ გააცნობიერა, თუ რა მოხდა 2008 წელს საქართველოში?

ელჩი: რას გულისხმობთ?

კუროპტევი: ყირიმისა და დონბასის შემდეგ ცხადი არ გახდა, რომ საქართველოში მოხდა პირდაპირი შეჭრა და ანექსია ტერიტორიების? იქამდე იყო ასობით პროვოკაცია და კონფლიქტი საქართველოს ზუსტადაც რომ არ დაუწყია.

ელჩი: ამ საკითხზე კამათი დიდი ხანია მიდის საქართველოში. ამ თემას პრაქტიკულად ტაბუ აქვს დადებული. არის ტალიავინის დასკვნა, რომელიც მომზადდა ევროკავშირისთვის. დასკვნაში იყო ნათქვამი, რომ საქართველომ თავისი როლი ითამაშა კონფლიქტის დასაწყისში... სააკაშვილმა იმ მომენტისთვის რუსეთი ძალიან ხელსაყრელ მდგომარეობაში ჩააყენა.

კუროპტევი: თქვენ თვლით, რომ 2008-ში ომი საქართველომ დაიწყო?

ელჩი: ომი 2008 წელს იყო რუსეთის ინტერესში, თუმცა საქართველოს მთავრობის მიერ გადადგმულმა ნაბიჯებმა, მათ შორის სამხედრო მოქმედებებმა, მისცა საბაბი, შეჭრილიყო საქართველოში.

კუროპტევი: ყირიმის შემდეგ, როდესაც უკრაინის მხრიდან არ იყო სამხედრო მოქმედებები, კრემლმა მაინც მოახდინა ყირიმის ოკუპაცია. არ გახდა ცხადი, რომ პუტინი მაინც წაიღებდა ე.წ. სამხრეთ ოსეთს, აფხაზეთს...

ელჩი: როგორც ჩანს, ეს ის არ არის რაც უნდა კრემლს. განსაკუთრებით სამხრეთ ოსეთთან მიმართებაში. მათ სურდათ მიერთებოდნენ ჩრდილოეთ ოსეთს და გამხდარიყვნენ რუსეთის ნაწილი. როგორც ჩანს ეს არ შედის რუსეთის ინტერესებსში, ყოველ შემთხვევაში ახლა. მინდა ვიცოდე, რა დგას ამის უკან, მაგრამ ახლა ეს ცხადი არ არის."

ამავე ინტერვიუში ელჩი განცხადებებს აკეთებს 2019 წლის მიწურულს საქართველოში მიმდინარე პროცესებთან - ხელისუფლების მიერ სრულად პროპორციულ სისტემაზე გადასვლის ჩაგდებასა და სახალხო პროტესტის ტალღასტან დაკავშირებით.

"კუროპტევი: მე წავიკითხე საერთაშორისო ორგანიზაციების განცხადება, რომელიც მშვიდობიანი დემონსტრაციის დაშლას ეხებოდა, როდესაც ხალხის წინააღმდეგ დილის 5 საათზე წყლის ჭავლი იყო გამოყენებული, ეს დემოკრატიული პროცესია?

ელჩი: მე ვფიქრობ ეს არასამთავრობოების განცხადება იყო. ქართულმა პოლიციამ უნდა გადაწყვიტოს, რა რეაქცია უნდა ჰქონდეს პროტესტებზე, როდის შეიძლება ჩატარდეს აქციები, მაგალითისთვის, როდესაც ხდება პარლამენტის შესასვლელების უკანონო ბლოკირება. მე არ ვფიქრობ, რომ ჩემი სხლის, თქვენი სახლის, ან დემოკრატიის სახლის ბლოკირება დემოკრატიული პროცესის ნაწილი იყოს. მთავარია, რეაქცია იყოს პროპორციული.

კუროპტევი: მე არ დაგეთანხმებოდით, მაგრამ.."

სრული ამონარიდი შეგიძლიათ იხილოთ აქ: