ამ დროისთვის რკინიგზა შეუფერხებლად მუშაობს და გრაფიკის მიხედვით გადაადგილდებიან როგორც სამგზავრო, ასევე სატვირთო შემადგენლობები, – ამის სესახებ „საქართველოს რკინიგზის“ საზოგადოებასთან ურთიერთობის სამსახურის უფროსი დაჩი ცაგურია აცხადებს და ამატებს, რომ გაფიცვის შესახებ გადაწყვეტილება არა რკინიგზელების უმრავლესობამ, არამედ ერთმა ცალკე აღებულმა ჯგუფმა მიიღო. დაჩი ცაგურია მათ კიდევ ერთხელ მოუწოდებს, რომ ყოველგვარი ულტიმატუმის გარეშე დასხდნენ მოლაპარაკების მაგიდასთან. თავის მხრივ, პროფკავშირის წარმომადგენლები რკინიგზის ადმინისტრაციისგან მოლაპარაკებაზე წამოსვლას ელოდებიან. რკინიგზელებს გადაწყვეტილი აქვთ, დღეს გაფიცვა დაიწყონ და ამ მიზნით აფრიკის დასახლებაში არსებულ დეპოში შეკრებას გეგმავენ. მათ 14 ნოემბრისთვის გაფიცვის შესახებ განცხადება რამდენიმე დღის წინ გააკეთეს.

რკინიგზელები ადმინისტრაციას ზეგანაკვეთური შრომის ანაზღაურებას, გამჭვირვალე საპრემიო სისტემის დაწესებას და დანამატების სტაჟისა და კვალიფიკაციის მიხედვით გაცემას სთხოვენ.