ხელისუფლებამ გადადგას ნაბიჯები, რომელიც ჩვენ მოგვცემს შესაძლებლობას, მონაწილეობა მივიღოთ საკონსტიტუციო ცვლილებებში

ხელისუფლებამ გადადგას ნაბიჯები, რომელიც ჩვენ მოგვცემს შესაძლებლობას, მონაწილეობა მივიღოთ საკონსტიტუციო ცვლილებებში - სალომე სამადაშვილი

პოლიტიკა - 16:46, 27 Jun, 2020

597

პარტია "ნაციონალური მოძრაობისა" და გაერთიანებული ოპოზიციის ერთ-ერთი ლიდერი სალომე სამდაშვილი სენატორი რიშის ინიციატივას ეხმაურება და აცხადებს, რომ თუ ხელისუფლება არ დააკმაყოფლებს დასავლეთის მოლოდინებს, ქეყნისთვის შეიძლება აშშ-თან თანამშრომლობაც კი საფრთხოს წინაშე დადგეს.
სამადაშვილი მოუწოდებს ხელისუფლებას, გადადგან შესაბამისი ნაბიჯები რათა ოპოზიციას კენჭისყრაში მონაწილეობის შესაძლებლობა მიეცეს.
„ეს ჩანაწერი ნიშნავს, რომ თუ საქართველოს ხელისუფლება არ შეასრულებს იმ მოლოდინს, რაც უკავშირდება დემოკრატიულ სტანდარტებს ქვეყანაში, საფრთხის წინაშე დგება ჩვენი თანამშრომლობა, მათ შორის სამხედრო მიმართულებით ამერიკის შეერთებულ შტატებთან. რაც შეეხება ტერმინ პოლიტპატიმრის გამოყენებას, ეს ტერმინი უკვე რომ გამოყენებულიყო საკანონმდებლო შესწორების მსგავს პროექტში, ეს ნიშნავდა იმას, რომ დღესვე უნდა შემწყდარიყო ყველანაირი დაფინანსება და თანამშრომლობა საქართველოსთან. ამიტომ, ეს არის მეგობრული გაფრთხილება, შეიძლება ითქვას და დღეს ბურთი არის საქართველოს ხელისუფლების მოედანზე, მათ ხელში არის ბერკეტები, მათ შეუძლიათ, გადადგან სწორი ნაბიჯები და ეს პროექტი არ იქცეს საკანონმდებლო აქტად, შეუძლიათ, პირიქით სხვა მიმართულებით წავიდნენ და მაშინ ალბათ ისიც მოსალოდნელია, რომ უფრო გამკაცრდეს ამ პროექტის ენა, ეს მხოლოდ პროექტია, ორივე მიმართულებით შეიძლება შეიცვალოს“, – აცხადებს სალომე სამადაშვილი.