სამინისტროს მიერ გავრცელებული ინფორმაციის თანახმად, აქციაში მონაწილეობას მიიღებენ საქართველოს სპორტისა და ახალგაზრდობის საქმეთა მინისტრის მოადგილე აკაკი ლოდია,

გორის სახელმწიფო უნივერსიტეტის სტუდენტები, არასაპატიმრო სასჯელთა აღსრულებისა და პრობაციის ეროვნული სააგენტოს ხელმძღვანელი გიორგი არსოშვილი და სააგენტოში აღრიცხვაზე მყოფი პირობით მსჯავრდებულები, საქართველოს გარემოსა და ბუნებრივი რესურსების დაცვის სამინისტროს თანამშრომლები.

გურამ ოდიშარიას არასამთავრობო ორგანიზაცია "ადამიანი, კანონი, თავისუფლებაც" გამოეხმაურა და ძეგლის დასუფთავებაში აღნიშნული ორგანიზაციის წევრებიც ჩაერთვებიან.

რეაბილიტაციის დაწყებამდე ძეგლის მიმდებარე ტერიტორიისა და ინფრასტრუქტურის მოსაწესრიგებლად მოსამზადებელი სამუშაოები ჩატარდება.

 საგურამოში მდებარე ილიას ძეგლი მცხეთის მუნიციპალიტეტის დაქვემდებარებაშია. გურამ ოდიშარიას ინიციატივით ილიას ძეგლის სარეაბილიტაციო პროექტის განხორციელებაში საქართველოს კულტურისა და ძეგლთა დაცვის სამინისტრო ჩაერთვება.