აღნიშნულ თემასთან დაკავშირებით განცხადება რკინიგზელებმა 12 ნოემბერს გააკეთეს და საკუთარი მოთხოვნები არასამთავრობო ორგანიზაციებსა და პროფკავშირებს გააცნეს. 

გუშინ ჯანდაცვის მინისტრმა, დავით სერგეენკომ აღნიშნულ თემასთან დაკავშირებით კომენტარი გააკეთა და აღნიშნა, რომ რკინიგზელთა მოთხოვნების მნიშვნელოვანი ნაწილი უკვე დაკმაყოფილებულია.

"იმის ნაცვლად, რომ მოლაპარაკების მაგიდასთან ვისხდეთ და როგორმე ამ პრობლემის მოგვარებაზე ვსაუბრობდეთ, პირიქით ხდება. ცდილობენ, ამ პროტესტს პოლიტიკური ელფერი შესძინონ, რაც თითოეული რკინიგზელისთვის შეურაცხმყოფელია. ყველა რკინიგზელი გამოცხადდება სამუშაო ადგილზე, მაგრამ მასზე დაკისრებულ მოვალეობებს არ შეასრულებს", - განაცხადა რკინიგზელთა პროფკავშირების თავმჯდომარემ ვიტალი გიორგაძემ.

შეგახსენებთ, რომ რკინიგზელთა პროფესიული კავშირი უკვე ორი კვირაა, ზეგანაკვეთურ ანაზღაურებას ყოველ ზედმეტად შესრულებულ სამუშაო საათზე, სახელფასო დანამატების გაცემას შრომისა და სტაჟის მიხედვით და მეცამეტე ხელფასს ითხოვს.