საქართველოს თავდაცვის ყოფილი მინისტრი ბაჩო ახალაია ზუგდიდში მომხდარ ინციდენტს დღეს კიდევ ერთხელ ეხმაურება.

"მინდა გამოვეხმაურო გუშინ ზუგდიდში მომხდარ ინციდენტს. იმ ბრალდებების დადასტურების შემთხვევაში, რაც ისმის პოლიციელის მიმართ, მისი დასჯა უნდა მოხდეს კანონის სრული სიმკაცრით, ამავე დროს გამოძიება უნდა იქნეს სწრაფი და ეფექტური, რათა ადამიანებს არ გაუჩნდეს ლინჩის წესით გასამართლების სურვილი", - აღნიშნულია ახალაიას განცხადებაში, რომელიც სოციალურ ქსელში გავრცელდა.