"მთავარი არხის" ერთ-ერთმა დამფუძნებელი , პოლიტპატიმარი გიორგი რურუა დღევანდელ სასამართლო პროცესზე მმართველი გუნდის მიერ ევროპარლამენტისადმი გაგზავნილ წერილს გამოეხმაურა.

წერილში საუბარია 30 წლის წინანდელ დანაშაულებზე, რომელთა ჩადენასაც ხელისუფლება რურუას აბრალებს.

რურუამ პროცესზე განაცხადა,რომ წერილში ნახსენები ბრალდებები აბსურდულია და ყველამ კარგად იცის, რომ იგი პოლიტიკური ნიშნით იდევნება.

"ბატონო მოსამართლე, მინდა ვისაუბრო იმ ზეწოლაზე, რომელიც ხორციელდება ჩემზე და თქვენზე. მინდა უბრალოდ, მაგალითი მოვიყვანო, მსოფლიოს რომელ პარალამენტში: მადუროს, ვენესუელის, ბელორუსის, რუსეთის, სირიის გარდა, პატიმარზე ამდენს სად ლაპარაკობენ მინისტრები, ქალაქის მერი და პარლამენტარები. არის თუ არა ეს პოლიტიკურად დაინტერესებული საქმე და არის თუ არა ეს, პოლიტიკურად შეკერილი საქმე.

ბატონ კუჭავას, რაღაც აბსურდული სისულეები გაუგზავნია, რაზეც აუცილებლად გავცემ პასუხს. კიდევ ერთხელ ვაცხადებ, რომ მე არ ვარ დამნაშავე. ჩემს მიმართ არის პოლიტიკური დევნა და ეს აუცილებლად გამომჟღავნდება. მე ჩემს სიმართლეს დავამტკიცებ", - განაცხადა რურუამ დღევანდელ სხდომაზე.