ზუგდიდში, პატრულ-ინსპექტორის დაჭრაში ბრალდებულის ოჯახის წევრები საქართველოს მთავარ პროკურორსა და შინაგან საქმეთა სამინისტროს მიმართავენ. ისინი დაკავებულის სასწრაფოდ გათავისუფლებას ითხოვენ.

რამდენიმე წუთის წინ, თეატრის შენობასთან აქციის მონაწილეებმა გზის გადაკეტვა სცადეს, თუმცა მცდელობა სამართალდამცავებმა აღკვეთეს.

საპროტესტო აქციის ადგილი დაკავებულის ოჯახის წევრებმა მას შემდეგ შეარჩიეს, რაც მათთვის ცნობილი გახდა, რომ თეატრში რეგიონული განვითარების მინისტრი იმყოფებოდა და მოსახლეობასთან შეხვედრას მართავდა. რამდენიმე წუთის წინ აქციის მონაწილეებთან დავით ნარმანიაც გავიდა.

დაკავებულის გათავისუფლების მოთხოვნით, მალე ბრალდებულის ოჯახის წევრები აქციის ჩატარებას სამხარეო პროკურატურის შენობასთანაც აპირებენ.

პატრულის წამებისა და დაჭრის ფაქტზე დაკავებული კახა გულორდავა ამ დროისათვის წინასწარი დაკავების იზოლატორში იმყოფება. დაკავებულს ჯანმრთელობის განზრახ დაზიანების მუხლით ბრალი უკვე წაუყენეს.  სასამართლო კი აღმკვეთი ღონისძიების შეფარდებაზე დღეს ან ხვალ იმსჯელეს.