"პუტინის მოკავშირე, ქურდებთან შეკრული, კრიმინალური ბანდა აგონიაშია, მათ და მათ პატრონს, ხელისუფლებიდან გავისტუმრებთ"

"პუტინის მოკავშირე, ქურდებთან შეკრული, კრიმინალური ბანდა აგონიაშია, მათ და მათ პატრონს, ხელისუფლებიდან გავისტუმრებთ" - გიორგი ბარამიძე კობახიძეს პასუხობს

პოლიტიკა - 16:40, 23 Jun, 2020

550

„ჩვენ მათ ბოდვას ვუპასუხებთ იმით, რომ გავაგრძელებთ არჩევნებისთვის მომზადებას და ქართველი ხალხის გადაწყვეტილებით, მათ და მათ პატრონს, ხელისუფლებიდან გავისტუმრებთ“ - ასე პასუხობს „ერთიანი ნაციონალური მოძრაობის“ ერთ-ერთი ლიდერი გიორგი ბარამიძე კობახიძის განცხადებას, სადაც ის პარტიას კრიმინალურ და დეგრადირეულ ძალად მოიხსენიებს.
„პუტინის მოკავშირე ქურდებთან შეკრული კრიმინალური ბანდა აგონიაშია. სრულიად არაადეკვატურ განცხადბეებს აკეთებენ და მოქმედებს სჩადიან. მცდელობა, რომ ქურდული სამყაროს დამამარცხებელი „ერთიანი ნაციონალური მოძრაობა“ კრიმინალებთან დააკავშიროს, არ გამოუვათ. ისინი არიან აგონიაში, რადგან იციან, რომ ხალხის ნდობა დაკარგეს, 8 წლის განმავლობაში მათ ვერცერთი ხალხისთვის მნიშვნელოვანი პრობლემა ვერ მოაგვარეს. გრძნობენ, რომ აგებენ და ამიტომ სულ უფრო არაადეკვატურები ხდებიან. ჩვენ მათ ბოდვას ვუპასუხებთ მშვიდად და არჩევნებისთვის გავაგრძელებთ მზადებას, რათახალხის ნებით, თავის პატრონიანად, გავისტუმროთ ხელისუფლებისგან. რაც შეეხება საკონსტიტუციო ცვლილებებს, ჩვენ არაერთხელ ვთქვით, რომ შეთანხმება, რომელიც ისედაც მრავალი კომპრომისის საფუძველზე მოხდა, უნდა შეასრულოს ორივე მხარემ. მისი პირველი ნაწილი იყო რომ განურჩევლად სახელისა და გვარებისა, 2019 წლის 20 ივნისის შემდეგ დაკავებული ყველა პოლიტპატიმარი გაეთავისუფლებინათ. ამიტომ, რადგან ეს შეთანხმება ხელისუფლებამ სრულად არ შეასრულა, რაც ასახულია როგორც საქართველოში მოქმედი საელჩოების, ასევე ჩვენი მეგობარი სახელმწიფოების, აშშ-ს, ევროკავშირის, ევროპარლამენტარების მრავალ განცხადებაში, ხელისუფლება ვერ მიიღებს ჩვენი მხარდაჭრის ფუფუნებას.ერთიანმა ნაციონალურიმა მოძრაობამ თავისი სიტყვა შეასრულა და დაიცვა მიცემული პირობა. მომავლშიც ასე იქნება, რასაც ვიტყვით იმას შევასრულებთ. ამას ვპირდებით ჩვენს ამომრჩეველს. „ - განაცხადა გიორგი ბარამიძემ.