საპარლამენტო ფრაქცია „ერთიანი ნაციონალური მოძრაობის“ თავმჯდომარე რომან გოცირიძის შეფასებით, მთავრობა, ბიუჯეტში ეკონომიას ყველაზე მძიმე მდგომარეობაში მყოფი ჩვენი თანამოქალაქეების ხარჯზე აკეთებს.

„მთავრობის დაპირებით თვითდასაქმებულ 250 ათას ადამიანს - 75 მლნ ლარი უნდა მიეღო, სამუშაოდაკარგულ დასაქმებულ 350 ათას ადამიანს კი 450 მლნ ლარი. ჯამში დახმარება უნდა მიიღოს 600 ათასმა მოქალაქემ და მთლიანი ხარჯი 525 მლნს შეადგენდა.

თუმცა, რა მოხდა სინამდვილეში? დახმარება ამ დროისთვის მხოლო სამჯერ ნაკლებ ჩვენს თანამოქალაქეს აქვს მიღებული.

საუკეთესო შემთხვევაში, სახელმწიფოს დახმარება 600 ათასი ადამიანიდან მხოლოდ 300 ათასმა ადამიანმა შეიძლება მიიღოს.

მთავრობა ამით ყველაზე მძიმე მდგომარეობაში მყოფი ადამიანების ხარჯზე აკეთებს ბიუჯეტში ეკონომიას, რათა კორონა ვირუსადმე არსებული თავდაპირველი ბიუჯეტის კორუფციული, ბიუროკრატიული და უსარგებლო ხარჯები არ შეკვეცონ.

ეს ბიუჯეტი არ ითვალისწინებს ხალხის ინტერესებს“ - აღნიშანვს გოცირიძე ნიუპოსტთან საუბრისას.

შეგახსენებთ, კორონავირუსის პანდემიის შედეგად უმუშევრად დარჩენილი 250 000 პირიდან,სახელმწიფო კომპენსაცია მხოლოდ 85 000 ადამიანს ჩაერიცხა.