გიორგი გახარია ამბობს, რომ საარჩევნო სისტემის ცვლილება, ის გადაწყვეტილება იყო, რომელსაც ყველა ელოდა. მისი თქმით, მთავრობის განზომილებას ეპიდემიასთან ბრძოლაში, ჯანმრთელობისა და ეკონომიკის გარდა, უკვე პოლიტიკაც ემატება.

"ეს იყო ის გადაწყვეტილება, რომელსაც ჩვენ ყველა ველოდით და არა ერთხელ გვითქვამს, რომ უფრო მეტად პროპორციული საარჩევნო სისტემა, ეს არის ერთადერთი გზა იმისთვის, რომ ამ ქვეყანაში პოლიტიკური კულტურა ნელ-ნელა, ეტაპობრივად გაუმჯობესდეს, ცვლილებები დაიწყოს, გახდეს უფრო დემოკრატიული, ევროპული და ისეთი, რომელიც ჩვენ მიგვიყვანს ჩვენს საბოლოო მიზნამდე, ჩვენს ევროატლანტიკურ ინტეგრაციამდე",- განაცხადა პრემიერმა საკორდინაციო საბჭოს დაწყებამდე.