საოკუპაციო ძალებმა სოფელ ახალუბნიდან გატაცებული მამაკაცი გაათავისუფლეს. “ნიუპოსტის” კორესპონდენტის ცნობით, 60 წელს გადაცილებული ჯუმბერ ფსიტიძე ამ დროისთვის გორში, სამხარეო პოლიციაში, დაკითხვაზეა გადაყვანილი.

როგორც ოჯახის წევრები ამბობენ, მისი დაკავება ქართველი სამართალდამცველების კონტროლირებადი ტერიტორიიდან მოხდა და მამაკაცი 2 საათში გაათავისუფლეს.

ოჯახის წევრების განცხადებით, არ არის გამორიცხული რომ ფსიტიძეს კარანტინის გავლა მოუწიოს, იმის გამო რომ მას შეხება ოკუპანტებთან ჰქონდა.

სუსში ამბობენ, რომ მომხდართან დაკავშირებით ამოქმედებულია ევროკავშირის ცხელი ხაზი.