"ოცნების" მაჟორიტარი დეპუტატი, კახა ოქრიაშვილი აცხადებს, რომ მმართველ პარტიაში ერთადერთია, ვინც დღეს საკონსტიტუციო ცვლილებებს მხარს არ დაუჭერს.

ოქრიაშვილის თქმით, იმ მაჟორიტარები, რომლებიც დღეს 120/30-ზე საარჩევნო სისტემას მხარს დაუჭერენ, შემდეგ მოსახლეობას მხარდაჭერას ვეღარ სთხოვენ.

"რამდენადაც მე ვიცი, მე ვარ ერთადერთი დეპუტატი უმრავლესობიდან, ვინც საკონსტიტუციო ცვლილებებს მხარს არ უჭერს. დღეს 120/30-ზე არის თითქმის პროპორციული არჩევნები, რაც მოგვიტანს მყიფე ცენტრალურ ხელისუფლებას, მუდმივ, პერმანენტულ რიგგარეშე არჩევნებს. ძალიან მაინტერესებს, დღეს ვინც მისცმეს ხმას იმას, რომ მოსახლეობას თავის საკუთარი მაჟორიტარი არ ჰყავდეს, როგორ უნდა სთოხოვოს იმ მაჟორიტარმა მოსახლეობას, რომ მხარი დაუჭირონ. მოსახლეობა მხარს ვერ დაუჭერს იმ მაჟორიტარ დეპუტატებს, ვინც დღეს თითს მიაჭერს მწვანე ღილაკს და გაუუქმებს მოსახლეობას ამ პრეროგატივას", - განაცხადა ოქრიაშვილმა.