ერთი წელი 20 ივნისის „გავრილოვის სისხლიანი ღამიდან“ - ზურაბ ცერცვაძის ფოტორეპორტაჟი სპეციალურად newposts.ge-სთვის

პოლიტიკა - 22:48, 20 Jun, 2020

1392

ერთი წელი 20 ივნისის ანტისაოკუპაციო აქციიდან - აქცია რუსთაველის გამზირზე.

ზურაბ ცერცვაძის ფოტორეპორტაჟი

2 ახალგაზრდას ამოთხილი თვალი, 40-მდე დაშავებული ჟურნალისტი, 805 გასროლილი ტყვია, აქციის 305 დაპატიმრებული მონაწილე და არც ერთი დასჯილი პირი - ეს არის შედეგი 2019 წლის 20 ივნისის „გავრილოვის სისხლიანი ღამის“, როცა ხელისუფლებამ ანტისაოკუპაციო აქცია ცრემლსადენი გაზით და რეზინის ტყვიებით დაარბია, ხოლო აქციის მონაწილეებს ფიზიკურად გაუსწოდა.

2019 წლის 20 ივნისს ათობით ათასი მოქალაქე პარლამენტის შენობის წინ აპროტესტებდა ქვეყნის საკანონმდებლო ორგანოში ოკუპანტი ქვეყნის დეპუტატის გავრილოვის ვიზიტს, რომელსაც საქართველოს ხელისუფლებამ როგორც სტუმარს უმასპინძლა. ოპოზიციონერი დეპუტატების პროტესტი მოჰყვა გავრილოვბის ხილვამ პარლამენტის თავმჯდომარის სავარძელში, რასაც მწვავე პროტესტი მოჰყვა. ოკუპანტის წინააღმდეგ გამოსვლები საღამოს რუსთაველის გამზირზე ხალხმრავალი აქციით გაგრძელდა.

ხელისუფლებამ იმავე ღამეს აქციის მონაწილეები სასტიკად დაარბია. მომიტინგეების წინააღმდეგ სპეცდანიშნულების რაზმმა მხუთავი აირი და რეზინის ტყვიები გამოიყენა, რის შემდეგაც ათეულობით მოქალაქე დაშავდა, ორმა ახალგაზრდამ კი დამიზნების სროლის შედგად თვალი დაკარგა. დაშავდნენ ჟურნალისტები, რომლებიც აქციაზე პროფესიულ მოვალოებას ასრულებდნენ. სპეცდანიშნულების რაზმის წევრები ფაქტობრივად დაშლილ აქციას და მშვიდობიან მომიტინგეებს დილამდე არბევდნენ და ფიზიკურად უსწორდებოდნენ.

20 ივნისის აქციას სიმბოლურად „გავრილოვის სისხლიანი ღამე“ ეწოდა.