"ყველა აგებს პასუხს და ეს იქნება მაგალითი მომდევნო ხელისუფლებისთვის... არ შეიძლება მოქალაქეს ხელკეტი ურტყა თავში, როცა ის სუვერენიტეტს იცავს"

"ყველა აგებს პასუხს და ეს იქნება მაგალითი მომდევნო ხელისუფლებისთვის... არ შეიძლება მოქალაქეს ხელკეტი ურტყა თავში, როცა ის სუვერენიტეტს იცავს" - ნიკა მელია

პოლიტიკა - 20:14, 20 Jun, 2020

483

"რაც არ უნდა გაჯანჯკდეს გამოძიება ადრე თუ გვიან ლოგიკურ დასასრულამდე აუცილებლად მივა და ეს იქნება შემდეგი ხელისუფლების პირობებში"- ამის შესახებ "ერთიანი ნაციონალური მოძრაობის" პოლიტიკური საბჭოს ხელმძღვანელმა ნიკა მელიამ "ნიუპოსტის" კითხვის საპასუხოდ განაცხადა.

მისი თქმით მოქმედი ხელისუფლება საკუთარ თავს ვერ დასჯის.

"ბატონი ივანიშვილი საკუთარ თავს ხომ არ გამოუყვანს წირვას? მაგრამ ძალიან მალე დადგება დრო, როცა ეს ადამიანები აგებენ პასუხს როგორც პოლიტიკურს ასევე სამართლებრივს და იცით რატომ იქნება ეს კარგი? ეს მაგალითი იქნება მომდევნო ხელისუფლებისთვის, რომ მან აღარ დაუშვას მსგავსი შეცდომა. არ შეიძლება საკუთარ ერს დაუპირისპირდე. არ შეიძლება ეროვნულ საკითხთან დაკავშირებით მოქალაქეს ხელკეტი თავში ჩაარტყა, როცა ის თავისუფლებისა და სუვერენიტეტის დაცვას ცდილობს.

არ შეიძლება ხელისუფლება დაუპირისპირდეს ხალხს და მას ხელკეტი ურტყას, რომელიც აპროტესტებს გავრილოვის პარლამენტში მიყვანას, რომელმაც რუსული პოლიტიკური ენით ისაუბრა საკანონმდებლო ორგანოში. დარწმუნებული იყავით, რომ ყველა აგებს პასუხს"- უთხრა "ნიუპოსტს" მელიამ.

მისი თქმით, ხელისუფლება თავის მართლების რეჟიმშია და იმასაც კადრულობენ, რომ "გიორგი გაბუნიას მკვლელობა "ნაციონალური მოძრაობის" ინტერესში იყო".

"მათი მორალური ზღვარი და ზნეობა საერთოდ მოშლილია. ადამიანს უნდა ჰქონდეს ზნეობა, რომ საკუთარი საქციელი აწესრიგო და უკადრებელი არ იკადრო. ამ ხელისუფლება არათუ პოლიტიკური უნარ-ჩვევები დაუბლაგვდა, ზნეობა აქვს დაკარგული. აბსოლუტურად ყველაფრისთვის მზად არიან. და რატომ გიკვირთ, რომ 20 ივნისის დანაშაულს აბრალებენ სხვას"- თქვა "ნიუპოსტთან" ნიკა მელიამ.