საპარლამენტო უმრავლესობის ლიდერი დავით საგანელიძე გორის მე-5 ბატალიონში ჯარისკაცების მოწამვლის ფაქტს ეხმაურება და არ გამორიცხავს, რომ თავდაცვის უწყებაში საბოტაჟის არსებობა დაფიქსირდეს:

"ვწუხვარ, რომ კვლავ დაფიქსირდა ასეთი ფაქტები, მე არ გამოვრიცხავ, რომ გარკვეული საშუალებების მხრიდან საბოტაჟს ჰქონდეს ადგილი შიგნიდან", - აღნიშნა საგანელიძემ.

შეგახსენებთ, რომ ოსიაურის საწვრთნელ ბანაკში 61 სამხედრო  მოსამსახურე მოიწამლა. მათ მსუბუქი დიარეა დაუდგინდათ. ამჟამად სამხედროები დისლოკაციის ადგილებზე იმყოფებიან. "ქართული კვების კომპანიის“ ინფორმაციით, გამოძიების პირველადი მონაცემებით, გამოიკვეთა მზარეულის დაუდევრობა საკვების მომზადებისას, რის გამოც ის დაითხოვეს.