"20 ივნისს აქციის დაშლისას 3 სახეობის იარაღი, 5 სახეობის ტყვია და ჭურვი გამოიყენეს"

"20 ივნისს აქციის დაშლისას 3 სახეობის იარაღი, 5 სახეობის ტყვია და ჭურვი გამოიყენეს" - სახალხო დამცველი

პოლიტიკა - 19:49, 20 Jun, 2020

1808

სახალხო დამცველი 20 ივნისის, გავრილოვის ღამეს სპეცრაზმის მიერ აქციის დარბევას ეხმაურება და განცხადებას ავრცელებს.

ომბუდსმენმა ყველა იმ საეჭვო ფაქტსა და გარემოებაზე ისაუბრა, რაზეც საზოგადოებაში და პოლიტიკურ სივრცეში კითხვები არსებობს.

საქართველოს სახალხო დამცველის ინფორმაციით, 2019 წლის 20 ივნისს, აქციის მონაწილეების წინააღმდეგ ხელისუფლებამ ჭურვი, 3 სახეობის იარაღი და 5 სახეობის ტყვია გამოიყენა.

"შსს-ს განსაკუთრებულ დავალებათა დეპარტამენტის (გდდ) მსროლელები მიუთითებენ, რომ არალეტალურ იარაღს იყენებდნენ სიტუაციის მიხედვით, რადგან თავიდანვე ჰქონდათ მიღებული ყველანაირი სიტუაციისთვის მზადყოფნის ზოგადი ნებართვა. განმარტეს, რომ რეზინის ტყვიების
გამოყენების გადაწყვეტილება მიიღეს ინდივიდუალურად, კონკრეტული საფრთხის შეფასების შედეგად. ასევე, მსროლელებმა მიუთითეს, რომ ტყვიების გამოყენების დროს მათი მეთაურებიც იქვე იყვნენ, თუმცა რეზინის ტყვიების გამოყენების შეწყვეტის ბრძანება არ გაუციათ. აქციის დაშლისას, რამდენიმე საათის — დაახლოებით 00:00 საათიდან 04:30 საათამდე — განმავლობაში, გდდ-სა და ობიექტების დაცვის დეპარტამენტის 100-ზე მეტმა თანამშრომელმა
გამოიყენა 3 სახეობის იარაღი, 5 სახეობის ტყვია და ჭურვი. შსს მინისტრის მიერ მედიაში გავრცელებული ინფორმაციის მიხედვით, გასროლილ იქნა დაახლოებით 800-მდე რეზინის ტყვია", — აღნიშულია სახალხო დამცველის დოკუმენტში.