მოსახლეობა ოკუპაციას დღესაც აპროტესტებს: "გლოვისა და ზეიმის დღე რუსთაველზე"

პოლიტიკა - 19:01, 20 Jun, 2020

709

ერთი წელი 20 ივნისის სისხლიანი ღამიდან - საქართველოს პარლამენტთან აქცია „ერთად ოკუპაციის წინააღმდეგ" მიმდინარეობს.
რუსთაველის გამზირზე სპეციალური ნიშნებულია დამონტაჟებული, რომელზეც ვლადიმერ პუტინის ფოტოა გამოსახული.
ადგილზე ასევე მოტანილია სადეზინფექციო ხსნარები და პირბადეები, რაც იმას ნიშნავს, რომ აქცია ჯანდაცვის მსოფლიო ორგანიზაციის რეკომენდეციების დაცვით ჩატარდება.
"აქციის მონაწილეების თქმით, დღეს არის როგორც გლოვის ასევე ზეიმის დღე, რადგან საზოგადოებამ რუსული ოკუპაცია სისხლის ფასად გააპროტესტა"- ამბობენ აქციის მონაწილეები.

"ერთი წელი გავიდა ამ დღიდან, ეს არის, როგორც გლოვის დღე აგრეთვე ზეიმის დღე. გლოვის დღე, გასაგებია რატო, სისხლი დაიღვარა და ზეიმის დღე არის რისთვისაც სისხლი დაიღვარა", - აცხადებს შოთა დიღმელაშვილი

აქციის მონაწილეებს შვილმოკლული მამა მალხაზ მაჩალიკაშვილიც შეუერთდა.

"დღეს ერთი წელი გახდა იმ დღიდან, რომელ დღიდანაც მეც ჩემთან ერთად მთელი ახალგაზრდობა. მთელი ძლიერი, ღირსეული სულის პატრონი ახალგაზრდობა სისხლში აცურავეს. ვუერთდები იმ ახალგაზრდას იმ დღეს, ვინც აქ იყვნენ და ვუერთდები, მთელს, ნახევარზე მეტ საქართველოს. რაც შეეხება პოლიტიკაში მოსვლას, ჯერ ამ თემაზე სამუშაო მიმდინარეობს, არც გამოვრიცხავ, არც დავადასტურებს", - ამბობს მალხაზ მაჩალიკაშვილი

აქციის მონაწილეები სამართალდამცავებმა 20 ივნისის ღამეს სასტიკად დაარბია.