სახალხო დამცველი 20 ივნისის, გავრილოვის ღამეს სპეცრაზმის მიერ აქციის დარბევას ეხმაურება და განცხადებას ავრცელებს.

ომბუდსმენმა ყველა იმ საეჭვო ფაქტსა და გარემოებაზე ისაუბრა, რაზეც საზოგადოებაში და პოლიტიკურ სივრცეში კითხვები არსებობს.

სახალხო დამცველი მიიჩნევს, რომ აქციის დარბევისას გამოყენებული ძალა არაპროპორციული და არათანაზომიერი იყო, რადგან მოქალაქეების მხრიდან თავდასხმის შემთხვევებს ადგილი არ ქონია.

" 20 ივნისს აქციის დაშლისას გამოყენებული ძალა არ შეიძლება შეფასდეს პროპორციულ და თანაზომიერ საშუალებად, შემდეგი გარემოებების/ფაქტორების გამო: (1) მეთოფეების მხრიდან ბრძანების არარსებობის პირობებში არალეტალური ჭურვების გამოყენება; (2) ჭურვების და მეთოფეების დიდი რაოდენობა (3) ოპერაციის მიმდინარეობის ფართობი და რამდენიმე საათიანი პერიოდის მანძილზე რეზინის ტყვიების გამოყენება; (4) დაშავებული მომიტინგეების რაოდენობა; (5) ინდივიდუალური პოლიციელების მიმართ გამოცალკევებით მოქალაქეთა ცალკეული ჯგუფების მიერ თავდასხმის შემთხვევების არ არსებობა (რაც აუცილებელი მოგერიების მდგომარეობას გაამართლებდა)" - ნათქვამია ომბუდსმენის განცხადებაში.